بيگم فقيرياڻي
بيگم فقيرياڻي
بيگم فقيرياڻي: مائي بيگم فقيرياڻي روهڙي شهر جي فنڪار گهراڻي سان واسطو رکندي هئي ۽ سنڌ جي نامياري ڳائڻي هئي. سندس جنم 1915ع ۾ ٿيو. مائي بيگم کي ”ڀٽ ڌڻيءَ جي فقيرياڻي“ يا ”لطيف جي فقيرياڻي“ سڏيو ويندو آهي. اڪثر ڀٽ جي درگاهه تي ويندي رهندي هئي. انهيءَ محبت ۾ هن پنهنجو ڪلام پڻ چيو هو. سندس ڪي ڪافيون، ڊاڪٽر نبي بخش خان بلوچ جي ترتيب ڏنل ڪافين جي ڪتاب ۾ شامل آهن. بيگم فقيرياڻيءَ مائي غلام فاطمه موچياڻيءَ جي هيءَ ڪافي ڪمال گائڪيءَ سان ڳائي هئي، جيڪا سندس سڃاڻپ بڻجي وئي:
’محبت وڌي آهيان مامري، نه ته ڪير ڪشالا ڪري!‘
بيگم فقيرياڻيءَ پنهنجو فني ورثو پنهنجي پٽ نامياري شاعر، استاد ۽ فنڪار درگاهي ميراڻيءَ ڏانهن منتقل ڪيو ۽ هن وقت سندس پوٽو اختر درگاهي نئين ٽهيءَ جو سٺو شاعر ۽ سريلو فنڪار آهي. بيگم فقيرياڻيءَ جي وفات 13 اپريل 1987ع ۾ ٿي.
لفظ بيگم فقيرياڻيھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1915.00.00 عيسوي
بيگم فقيرياڻي: مائي بيگم فقيرياڻي روهڙي شهر جي فنڪار گهراڻي سان واسطو رکندي هئي ۽ سنڌ جي نامياري ڳائڻي هئي . سندس جنم 1915ع ۾ ٿيو .
1987.04.13 عيسوي
بيگم فقيرياڻيءَ جي وفات 13 اپريل 1987ع ۾ ٿي .
شخصيتون - ڀاڱي جون ٻِيون داخلائون
داداڀائي نوروزجيانب جوڳي
غلام نبي سمو
عبدالقيوم چنا
خانبهادر محمد پريل ڪلهوڙو
جتوئي غلام رسول خان
پليجو عبدالرحمان
جروار محمد رفيق
خسرو بيگ مرزا
روشن آرا مغل